"ማንኛውም የመኖሪያ ቤት አከራይ የተከራዩን ሙሉ መረጃ በመያዝ ማዝመዝገብ አለበት":-አዲስ አበባ ፖሊስ

 

ማንኛውም የመኖሪያ ቤት አከራይ በአስራ አንዱም ክፍለ ከተማ ፖሊስ መምሪያዎችና በሁሉም ፖሊስ ጣቢያዎች የተከራዩን መሉ መረጃ በመያዝ በግንባር በመቅረብ እንዲያስመዘግብ የአዲስ አበባ ፖሊስ መልዕክቱን አስተላልፏል፡፡የፀጥታ ኃይሉ ለህብረተሰቡ ስጋት የሚሆኑ ጉዳዮችን በመለየት አስፈላጊውን እርምጃ እየወሰደ ይገኛል። በዚህም እጅግ አበረታች ውጤት እየተመዘገበ ነው፡፡

የአስቸኳይ ጊዜ አዋጅ ዕዝ የፀጥታ ሥራውን የሚደግፉ ልዩ ልዩ መመሪያዎችን መውጣቱ ይታወቃል፡፡በዚህ መሰረት ማንኛውም የመኖሪያ ቤት አከራይ መመሪያው ከወጣትበት ዕለት ጀምሮ በአንድ ሳምንት ጊዜ ውስጥ የተከራዩን ማንነት የሚገልፅ ማስረጃ በመያዝ በአሥራ አንዱ ክፍለ ከተማ ፖሊስ መመሪያዎች እና በሁሉም ፖሊስ ጣቢያዎች በግንባር በመቅረብ እንዲያስመዘግ የአዲስ አበባ ፖሊስ አስታውቋል።

መመሪያውን ተግባራዊ በማያደርጉ አካላት ላይ በህግ አግባብ እርምጃ የሚውስድ መሆኑን ገልፀዋል።ህብረተሰቡ ለፀጥታው ስራ ስኬታማነት እያደረገ ላለው ሙሉ ተባባሪነት የአዲስ አበባ ፖሊስ ምስጋናውን እያቀረበ ትብብሩን አጠናክሮ እንዲቀጥል የአዲስ አበባ ፖሊስ ጠይቀዋል።

Share this Post